മുതിര്‍ന്ന കോണ്‍ഗ്രസ്സ് നേതാവും മുന്‍ സ്പീക്കറും മുന്‍ ഗവര്‍ണ്ണറുമായിരുന്ന വക്കം പുരുഷോത്തമന്‍ അന്തരിച്ചു

സംസ്ഥാന നിയമ സഭാ മുൻ സ്പീക്കറും മുതിർന്ന കോൺഗ്രസ്സ് നേതാവുമായ വക്കം പുരുഷോത്തമൻ (96) അന്തരിച്ചു. വാര്‍ദ്ധക്യ സഹജമായ അസുഖങ്ങളാല്‍ ചികില്‍സയിലായിരുന്നു.  മിസോറാം, ത്രിപുര എന്നീ സംസ്ഥാനങ്ങളിലെ ഗവര്‍ണ്ണറായും സേവനമനുഷ്ടിച്ചിരുന്നു. 1982-1984 കാല ഘട്ടത്തിലെ നിയമ സഭാ സ്പീക്കറായിരുന്നു.

 1970, 1977, 1980, 1982, 2001 വര്‍ഷങ്ങളില്‍ ആറ്റിങ്ങല്‍ നിയോജക മണ്ഡലത്തില്‍ നിന്നും നിയമ സഭ യില്‍ എത്തി. 1971-77, 1980-81, 2001-2004 കാലയളവില്‍ സംസ്ഥാന മന്ത്രി സഭകളിലും അംഗമായി. കെ. പി. സി. സി. ജനറല്‍ സെക്രട്ടറി, വൈസ് പ്രസിഡണ്ട്, തിരുവനന്തപുരം ഡി. സി. സി. സെക്രട്ടറി തുടങ്ങിയ സ്ഥാനങ്ങളും വഹിച്ചിട്ടുണ്ട്.